http://tajikam.com

Забони форсӣ як ҳувийят аст
Муаллиф: Доктор Басири Комҷӯ(Афғонистон)   
15.04.2013 21:49

Бознашр аз торнамои “Тоҷикам”

Баргардон аз хати форсӣ: Фирдавси Аъзам

Ман таъкид мекунам, ки забони форсӣ аз як ҷиҳат, ба иловаи хазонаи фарҳанги бостонии ин сарзамин, як ҳувийят ва як ғурур аст ва мо ин ҳувийят ва ғурурро раҳо намекунем.Ин ҳувийят ва ин ғурур дар ҳуну гӯшту пӯст ва устухони фард-фарди форсизабонони саросари ҷаҳон аҷин(омехта, сиришта) шуда аст. Зудудани чунин як ҳувийят ва як ғурур аз ҷону дили мардум ва аз дилу домони ин сарзамин дур аз тасаввур ва маҳолу хиёл аст.

Идома...
 
Таркиби воқеии ақвоми Афғонистон: То сияҳрӯй шавад, ҳар кӣ дурӯғаш бошад
Муаллиф: Муҳаммад Носеҳ(Афғонистон)   
15.04.2013 21:29


Бознашр аз торнамои “Тоҷикам”(www.Tajikam.com

Баргардон аз хати форсӣ: Насибҷон Амонӣ

Таркиби намояндагон дар Луя Ҷиргаи Амонуллохон

паштун 32 %, ғайрипаштун 68%

Ҳол ки таби форсиситезӣ ба авҷаш расидааст, хостам бахшҳое аз пажӯҳиши як донишманди паштунтаборро дар мавриди ҷаълҳои таърихӣ ва иддаъоҳои аксарият ва ақаллияти зимомдорони Афғонистон, бо шумо шарик кунам, то сияҳрӯй шавад, ҳар кӣ дурӯғаш бошад.

Тасвиреро , ки тамошо мекунед, таркиби ақвомро дар Луя Ҷиргаи(Маҷлиси сардорони қабоил, ки паштунҳо онро барои тасмимгириҳои бузург истифода мекунанд ва ҳоло салоҳияти он болотар аз Маҷлиси намояндагон-- ниҳоди қонунбарори кишвар аст, вале мардуми ғайри паштун, ба вижа тоҷикон онро як

Идома...
 
Бозтобе аз андешаҳои устод Рӯдакӣ
Муаллиф: Доктор Басир Комҷӯ   
12.04.2013 08:53

Бознашр аз торнамои “Тоҷикам”(www.tajikam.com)

Баргардон аз хати форсӣ: Насибҷон Амонӣ


Рӯй ба меҳроб ниҳодан чӣ суд,

Дил ба Бухорову бутони Тароз.

Эзади мо васвасаи ошиқӣ

Аз ту пазирад, напазирад намоз.

Бо он ки мушаххасоти ҷомиаи рӯзгори Рӯдакӣ ( як ҳазору яксаду панҷоҳу панҷ сол пеш аз имрӯз), бо алоим ва нишонаҳои иҷтимоӣ ва фарҳангии ҷавомеъе, ки акнун мо дар он зист дорем, яксон набуда, аммо гунаҳои муътанобеҳе (чашмгир, бисёр зиёд) аз ваҷҳи иштироки ин ду унсури аз ҳам мутафовит дар андешаҳои Рӯдакӣ равшанбинӣ шудааст.

Идома...
 
ХУСУСИЯТҲОИ ЭТНИКИИИ ТАШАККУЛЁБИИ ДАВЛАТИ МУТТАМАРКАЗ ДАР АФҒОНИСТОН - 2
Муаллиф: Раҳматулло Абдуллоев   
12.04.2013 08:04

Бознашр аз торнамои “Миллат”

Қисмати аввал

Таҳрифи воқеъияти таърихи гузашта имрӯз ҳам идома дорад. Намунаи кӯшиши аз нав навиштани таърихи гузашта асари муаллифи номаълум - Самсури Афғон «Саққавии дуввум» мебошад. Ин китоб аз тарафи Маркази фарҳанги афғон дар Олмон нашр ва дар Кобул ба забони дари дубора интишор гардида буд. Муаллифи китоб тамоми таърихи қарни ХХ Афғонистонро аз мавқеи миллатгароёни паштун мавриди баррасӣ қарор дода мавҷудияти мардумони ғайрипаштунро инкор сохта аст. Дар муқаддимаи асар муаллиф ба хотири ҳифзи ваҳдати миллӣ ва якпорчагии Афғонистон иҷрои чанд иқдомро зарур медонад.

Дар баробари пуштибонӣ аз фаъолияти миллатгароёни паштун дар мавриди ба сифати забони давлатӣ ба расмият даровардани танҳо забони пашту ва «афғон» эълон доштани тамоми шарҳвандони Афғонистон, муаллиф ба амал баровардани чанд иқдоми «қотеъона»-ро зарур медонад. Аз ҷумла, бо мақсади таъмини амнияти минтақаҳои шимолии ҳаммарз бо Тоҷикистон, Ӯзбекистон ва Туркманистон ва дар атрофи шаҳрҳо ва роҳҳои муҳим, аз тариқи кӯч додани қабоили вилоятҳои ғарбӣ ва ҷанубии кишвар ба ин минтақаҳо, зарурати эҷоди «камари амниятӣ» таъкид мегардад.

Идома...
 
Симини Беҳбаҳонӣ: Чаро ба хатти форсии худатон барнамегардед?
Муаллиф: Исфандиёри Назар   
12.04.2013 07:57

Бознашр аз торнамои Би Би Си

Ҳадафи сафарам ба Теҳрон мулоқот кардан ба устоди ғазали форсӣ Симини Беҳбаҳонӣ буд. Мехостам маҷмуъаи комили ашъорашро, ки зери унвони «Як доман гул» тавассути нашриёти «Ирфон» моҳе пеш ба нашр расонидам, ба ӯ расонам.

Симин ҳанӯз соли 2006 бо навиштани номае иҷозати нашри осорашро ба ман дода буд. Ҳамчунин 8-9 сол қабл аз Париж ба ӯ телефонӣ суҳбат карда будам. Аммо ин орзуву иштиёқ маро ҳамеша дар қайди худ медошт, ки бо ӯ мулоқот кунам ва суҳбате роҷеъ ба шеъру зиндагияш анҷом диҳам.

Иддае аз дӯстон қабл аз сафар ба ман иттилоъ доданд, ки Симин ба хотири андешаву ашъори сиёсиаш дар ҳабси хонагӣ қарор дорад ва шояд натавонам бо ӯ ҳамсуҳбат шавам. Ҳамчунин гуфтанд, ки шояд китобро ҳам ба ӯ расонида натавонем...

Идома...
 
Мо ғамшарики Шумоем, бародару хоҳарон!
Муаллиф: Adminstrator   
12.04.2013 06:27

Қарори гузориши расонаҳои ҳамагонӣ, асри 20 фарвардин(ҳамал) , 9 апрели соли 2013 зилзила бо шиддати 6,1дараҷаи Рихтер ҷануби Эрон ва остони Бушаҳрро ларзонд, ки мӯҷиби кушта шудани даҳҳо тан ва захмӣ шудани садҳо тан ва вайронии хонаҳои бисёр ва овора шудани чанд ҳазор нафар гаштааст. Конуни ин зилзила дар шаҳри Шанбе ва Кокӣ аз тавобеи шаҳристони Даштии остони Бушаҳр буд. Шумори кушташудагони ин фоҷиа, пас аз ин ки ҳама аҷсод аз зери хишту хок берун оварда шаванд, афзун аз он чи ки ҳоло мегӯянд, хоҳад буд.

Мо дабирон ва дастандаркорони пойгоҳҳои “Тоҷикам” ва “Тоҷикон” аз сӯи хеш ва ҳамчунон ба намояндагӣ аз ёрону ҳамбоварони ин пойгоҳҳо барои ҳама мардуми шарифи Эрон ва ба мардуми мусибатдидаи Бушаҳр тасаллият мегӯем, барои ҷонбохтагон биҳишти барин ва барои бозмондагон сабру шикебоӣ таманно дорем.

Идома...
 
Ғамат марги баҳорамро даровард
Муаллиф: Сафар Абдулло   
10.04.2013 13:32

Хабари марги нобаҳангоми дӯсти азиз ва ҳамклоси донишгоҳиям Улашбой (Пайванди Гулмуродзода) дили реш решамро рештар кард.Ҳамин чанд рӯз пеш паёме ирсол намуда ҷӯёи ҳолам буд.Завқи зистан ва навиштан дошт.Бобати ҳамкориҳояш бо устоди фарзонаи фақидам Муҳаммадҷони Шакурӣ ,аз ӯсипосгузорӣ кардам.Одами миллӣ буд ва таърихи матбуоти тоҷикро хуб омӯхта буд.Бисёре аз мақолотеро,ки ҷанбаи миллӣ дошт баргардон намуда дар Тоҷикистон ба чоп расонд. Аз тоҷикони Ӯзбакистон буд.Теъдоди тоҷикон дар Ӯзбакистон ,агар бештар набошад,камтар аз тоҷикони Тоҷикистон нест!.Инро барои он мегӯям,ки мебинам,бархе аз фурумоягон,ки худро "таҷики тап таза" эълон кардаанд, алайҳи тоҷикони Ӯзбакистон дар сафаҳоти расонаҳо носазо мегӯянд.Ҳоло чунин рафтори палидонаи зиштро алайҳи Раҳматуллоҳ Зойируф шуруъ кардаанд.Мо ба ин нобакорӣ набояд роҳ бидиҳем. ..

Идома...
 
Комиссиюни мустақили назорат бар татбиқи Қонуни Асосӣ: Истифодаи вожаҳое мисли “донишгоҳ” ғайриқонунӣ нест
Муаллиф: “Ҷовидон”   
28.03.2013 13:16

Бознашр аз торнамои “Ҷовидон”

Баргардон аз хати форсӣ: Насибҷон Амонӣ

Ҷанҷол бар сари истифода аз бархе вожаҳои форсӣ, аз замони кор рӯйи Қонуни Асосии кишвар дар идораи муваққат, оғоз шудааст. Ин ҷанҷолҳо, ки бештар бар сари истифодаи вожаи донишгоҳ буд, дар мавориде ба тазоҳуроти хиёбонӣ ва хушунат кашида шуда буд. Дар як маврид, Карим Хуррам--вазири пешини иттилоот ва фарҳанг ду тан аз хабарнигорони телевизиони давлатӣ дар вилояти Балхро, ба маҷозоти ҷарима ва маҳрум шудан аз вазифа маҳкум карда буд. Вазири иттилоот ва фарҳанги он замон, гуфта буд, ки истифода аз вожаҳои “донишгоҳ” ва “донишкада” хилофи терминоложии миллӣ ва мусталаҳоти миллӣ аст. Ин иқдоми оқои Хуррам бо мухолифатҳои шадиде мувоҷеҳ шуд ва мухолифони ин сиёсат, ҳукуматро ба татбиқи сиёсати ғалати фарҳангӣ ва фошистӣ муттаҳам кардаанд.

Аммо дар тафсире, ки Комиссиюни мустақили назорат бар татбиқи Қонуни Асосӣ, дар мавриди моддаи шонздаҳуми Қонуни Асосӣ ба Маҷлиси намояндагон фиристода, возеҳ шудааст, ки истифода аз вожаҳои “донишгоҳ”, “донишкада” ва...мушкили қонунӣ надорад.

Идома...
 
Ёди Наврӯз дар Кобули қадим
Муаллиф: Наҷми Ковиёнӣ, адиб ва донишманд, корманди Пажӯҳишгоҳи улуми иҷтимоии Амстердам   
28.03.2013 13:07

Бознашр аз торнамои родиои "Озодӣ"

Дар Кобулистон Наврӯз ба унвони ҷашни баҳор, намое аз фарҳанги поринаи бумӣ тавассути пиру барно бо маросим ва одоби наврӯзӣ баргузор мешуд ва мешавад.

Шаҳри куҳнаи Кобул, қалби тапандаи Кобулистон, пешинаи 3500-сола дорад ва дар доманаҳои куҳи Шердарвоза, Косаи Бурҷ ва Осмоӣ, дар ду тарафи дарёи Кобул аз Бохтар ба Ховар афтодааст. Ин шаҳр ёдгор ва намодест аз бошандагони аслии Кобул, бошандагоне, ки ба фарҳангпарварӣ ва хирадварзӣ, айёрӣ ва ҷавонмардӣ машҳуранд. Саҳми кобулиён дар ҷунбишҳои озодихоҳӣ, машрутият, демокрусӣ ва пешрафти сарзамини мо чашмгир буд ва ҳаст. Ин шаҳр дар дарознои таърих шаҳри форсизабонон буд ва ҳаст.

Идома...
 
<< Аввал < Қаблӣ 1 2 3 4 5 6 7 8 9 10 Баъдӣ > Oхир >>

JPAGE_CURRENT_OF_TOTAL

Суруди ҳафта


Фарзандони тоҷик

180px-avicenna_persian_physician.jpg

Тоҷикам ба форсӣ


Барги Тоҷикам дар Фейсбук


 

Назарсанҷӣ

Назари Шумо дар масъалаи бозгашт ба хати ниёкон,яъне хати форсӣ ва даст кашидан аз хати сириллик чӣ гуна аст?